ചുവരുകൾ

ഭൂപടങ്ങൾ സത്യമാണ്,അതിരുകളും.
കൊഴിഞ്ഞുപോകാത്ത ഭരണകൂടങ്ങൾ
കാവലായകാലത്തോളമത് മാറ്റാനാകില്ല,തിരുത്താനും.
അതുവരെ നിങ്ങളുടേത് നിഴൽയുദ്ധങ്ങൾ മാത്രമാണ്
പെറുക്കിയെറിഞ്ഞ കല്ലുകളെല്ലാം മതിലിൽതട്ടിയ പന്തുകളാകും
കുരുതികൊടുക്കപ്പെട്ടകുഞ്ഞുങ്ങളൊക്കെ
കരിഞ്ഞുവീണ പൂക്കൾ മാത്രം
കീറിപ്പറിഞ്ഞവരാരും മുലചുരത്തിയിട്ടില്ലചരിത്രത്തിൽ,
ചിതറിത്തെറിച്ചവരൊന്നും രക്തസാക്ഷികളുമായിട്ടില്ല.
പടിപ്പുരതകർക്കാതെ അകത്ത്കയറാനുമാകില്ല.
വരൂ, ഈ ചുവരുകൾ രക്തംകൊണ്ട് കുതിരട്ടെ,
കുതിർന്ന് തകരട്ടെ  ചുവരുകളെല്ലാം.