പൊരുതുവാന് മെയ്യില് കരങ്ങളുണ്ട്
ചോരയില് പോരട്ടവീര്യമുണ്ട്
കരളില് എരിയുന്ന പന്തമുണ്ട്
കണ്ണില് കൊളുത്തുവാന് അഗ്നിയുണ്ട്
എയ്യുവാന് നാവില് ശരങ്ങളുണ്ട്
വാക്കിന്നു വാള്ത്തലയുടെ മൂര്ച്ചയുണ്ട്
മുന്നിലീ അഴലിന് ആഴിയുണ്ട്
നിസ്വരുടെ ദൈന്യമാം രോദനങ്ങള്
എന്നിട്ടുമെന്തേ മനുഷ്യനത്രേ നീ
പ്രതിമയെപ്പോലെ പകച്ചുനില്പ്പൂ
കഴുതയെപ്പോലെ കരഞ്ഞിരിപ്പൂ
ഇനിയെന്നു വാള്ത്തലകള് രാകിവെക്കും
ഇനിയെന്നു കുന്തങ്ങള് മൂര്ച്ചകൂട്ടും
ഇനിയെന്നു കലാപം ഇനിയെന്നു യുദ്ധങ്ങള്
ഇനിയെന്നു മാറ്റത്തിന് കാഹളങ്ങള്